Tata EV June Discount Curvv Tiago Nexon Punch : टाटा मोटर्सने आपल्या इलेक्ट्रिक वाहनांवर मोठ्या प्रमाणात सवलती जाहीर केल्या आहेत. जून 2025 मध्ये Tiago EV, Nexon EV, Punch EV आणि नव्याने सादर केलेल्या Curvv EV या मॉडेल्सवर ₹1 लाखांपर्यंतचे फायदे दिले जात आहेत. या ऑफर्सचा उद्देश विक्री वाढवण्याबरोबरच MY2024 (Model Year 2024) इन्व्हेंटरी क्लिअर करणे हा आहे. काही निवडक MY2025 युनिट्सवरही या सवलती लागू आहेत.
Tata Curvv EV: ₹70,000 पर्यंतचा फायदा
यावर्षी लाँच झालेल्या Curvv EV वर MY2024 युनिटसाठी ₹70,000 पर्यंत सवलत मिळू शकते. यामध्ये ₹50,000 ग्रीन बोनस व ₹20,000 एक्स्चेंज/स्क्रॅपेज बोनसचा समावेश आहे. किंमत ₹17.49 लाख ते ₹22.24 लाख (एक्स-शोरूम) दरम्यान आहे. 45 kWh व 55 kWh अशा दोन बॅटरी पर्यायांसह 430 किमी आणि 502 किमी रेंज देणाऱ्या या गाडीची स्पर्धा Mahindra BE.06 व Hyundai Creta EV यांच्याशी आहे.
Tata Nexon EV: ₹40,000 पर्यंतचा फायदा
Nexon EV वर MY2024 युनिटसाठी एकूण ₹40,000 पर्यंत ऑफर उपलब्ध आहे. यात ग्रीन बोनस व एक्स्चेंज ऑफर्सचा समावेश आहे. गाडीची किंमत ₹12.49 लाख ते ₹17.19 लाख असून 30 kWh (275 किमी रेंज) आणि 45 kWh (489 किमी रेंज) अशा दोन बॅटरी प्रकारांमध्ये उपलब्ध आहे. या वाहनाला नुकताच Bharat NCAP 5-स्टार सुरक्षा रेटिंग मिळाल आहे.
Tata Tiago EV: ₹1 लाखांपर्यंत सवलत
Tiago EV या सर्वात स्वस्त EV मॉडेलवर सर्वाधिक सवलती आहेत. बेस XE व्हेरियंटवर ₹55,000 पासून सुरू होऊन XT LR व्हेरियंटसाठी ₹1 लाख पर्यंत डिस्काउंट दिला जात आहे. MY2025 युनिटवरही ₹40,000 फ्लॅट सवलत आहे. या कारची किंमत ₹7.99 लाख ते ₹11.14 लाख आहे, आणि यामध्ये 19.2 kWh व 24 kWh बॅटरी पर्याय आहेत.
Tata Punch EV: ₹90,000 पर्यंतचा फायदा
Punch EV वर विविध प्रकारांनुसार सवलती आहेत. MY2024 Long Range ACFC व्हेरियंटसाठी ₹90,000 पर्यंत, तर बेस व्हेरियंटसाठी ₹45,000 सवलत मिळू शकते. MY2025 युनिटवर मात्र ₹40,000 इतकीच सवलत आहे. या SUV ची किंमत ₹9.99 लाख ते ₹14.44 लाख आहे.
हेही वाचा : Mahindra Scorpio N Z4 ऑटोमॅटिक आता 1 लाखांनी स्वस्त — Z4 व्हेरिएंटमध्ये नवीन पर्याय.
