Mahindra Scorpio N Z4 Automatic Launched Petrol Diesel Price Features : महिंद्राने Scorpio-N खरेदीस इच्छुक ग्राहकांसाठी मोठा दिलासा दिला आहे. आता Scorpio-N Z4 ट्रिममध्ये ऑटोमॅटिक गिअरबॉक्स पर्याय उपलब्ध करून दिला असून, यामुळे ऑटोमॅटिक ट्रान्समिशनसह Scorpio-N अधिक किफायतशीर झाली आहे. यापूर्वी Z4 ट्रिम फक्त मॅन्युअल गिअरबॉक्समध्येच मिळत होती.
आता पेट्रोल व डिझेल दोन्ही प्रकारांत ऑटोमॅटिक
महिंद्रा Scorpio-N Z4 आता 6-स्पीड टॉर्क कन्व्हर्टर ऑटोमॅटिक गिअरबॉक्ससह उपलब्ध असून, पेट्रोल आणि डिझेल या दोन्ही प्रकारांमध्ये ही सुविधा दिली आहे. याच्या Z4 पेट्रोल ऑटोमॅटिक व्हेरिएंटची किंमत ₹17.39 लाख असून Z4 डिझेल ऑटोमॅटिक ची किंमत ₹17.86 लाख आहे (दोन्ही एक्स-शोरूम दर).
याआधी Scorpio-N ऑटोमॅटिक ची किंमत किती होती?
या नव्या अद्ययावत मॉडेलपूर्वी Scorpio-N ची ऑटोमॅटिक रेंज Z6 ट्रिमपासून सुरू होत होती, जिची किंमत ₹18.91 लाख इतकी होती. आता Z4 ऑटोमॅटिक ट्रिम्स आल्यामुळे पेट्रोल व डिझेल दोन्ही प्रकार सुमारे ₹1.05 लाख ते ₹1.67 लाख ने स्वस्त झाले आहेत.
Scorpio-N Z4 मध्ये काय काय मिळते?
Z4 ट्रिममध्ये मिळणाऱ्या महत्त्वाच्या फीचर्समध्ये खालील सुविधा समाविष्ट आहेत:
8 इंच टचस्क्रीन
वायरड Android Auto आणि Apple CarPlay
स्टिअरिंग माउंटेड कंट्रोल्स
दुसऱ्या रांगेसाठी AC वेंट्स
17 इंच चाके (प्लास्टिक कव्हर्ससह)
ड्युअल फ्रंट एअरबॅग्ज, ABS-EBD, हिल होल्ड आणि डिसेंट कंट्रोल
ISOFIX चाइल्ड सीट अँकर, सर्व प्रवाशांसाठी 3-पॉइंट सीटबेल्ट
हॅलोजन हेडलाईट्स, एलईडी टर्न इंडिकेटर्स, रियर स्पॉइलर, पॉवर विंडोज, फॅब्रिक अपहोल्स्ट्री
इंजिन व परफॉर्मन्स
Z4 ट्रिम दोन इंजिन पर्यायांमध्ये उपलब्ध आहे:
2.0L mStallion टर्बो पेट्रोल: 200 bhp आणि 380 Nm टॉर्क
2.2L mHawk डिझेल (डिट्यून): 130 bhp आणि 300 Nm टॉर्क
याशिवाय, Z4(E) डिझेल व्हेरिएंटमध्ये 4×4 ड्राइव्हट्रेनचा पर्याय देखील देण्यात आला असून, त्यात 173 bhp आणि 370 Nm पर्यंत टॉर्क मिळतो.
